事件發生在青衣運動場。

【橙訊】青衣運動場小食亭的東主日前在社交媒體上發文，指控一間小學在舉行陸運會期間，有老師阻擾家長和學生光顧。

東主發文以「致 某葵青區小學陳老師」為題，批評該校的教師不准學生和家長光顧小食亭。東主在文中提到「係康文署要求我地小食亭每逢場地有活動都要開門營業，不過你地學校唔比小朋友買啦，我咪做家長生意囉。不過呢如果你唔想比你啲學生同家長買野既，可以用條鏈鎖住佢地係看台，咁佢地就唔會出到黎小賣部買野，記得鎖埋啲家長喎。」

東主又批評有關老師一直在小食亭外巡邏，當有學生或家長嘗試光顧時，更會用情緒勒索的方式，去阻止他們買東西，例如會說「你買左，但隔黎個同學仔無得買，你諗下隔黎同學仔既感受喎」，但在不容許他們到小食亭購買東西的同時，卻容許他們使用自動售賣機。他又質疑「我想問下食野飲野同陸運會睇比賽有咩關係？即係你平時係唔會一路食飯一路用電話或者睇電視，咁一心一用的嗎？兩者有咩衝突？」，表明老師的言論令他不解。

東主表示，理解小朋友年紀尚輕，購買決策能力比較弱，但他坦白小食亭的宗旨是想服務市民大眾，「依家生意真係非常難做」，如果下年的陸運會老師再於小食亭外阻擾學生和家長光顧，自己會報警處理。

事件曝光後引發網民熱議，有網民認為「店主嘅角度係需要開店，但有人阻你營住你賺錢。但在於學校，學生同家長嘅角度，運動會係一個轉換咗場地嘅學習活動，有啲規矩同秩序都係要遵守。」但亦有大批網民批評老師的行為不當，有網民認為「呀學校應該搵個冇小食亭冇汽水機嘅運動場做運動會啦 人地投返嚟唔比人做生意都有？」、「其實正常人都唔會企係收銀檯前面教仔阻住人做生意 細細個老豆老母都教我『阻人搵食猶如殺人父母』 呢位老師同世界脫節咗幾耐」、「笑死我，啲學校真係仲停留係清朝，今年都2025，仲係封建社會咁既思想，比著我係啲家長，一定xx到佢精神崩潰」。

圖：文創產業發展處