【橙訊】《東張西望》日前報導一名25歲，自稱「性玩具測試員」的C先生疑公然在網上發布不雅片段及對一班「前女友」評頭品足，疑似炫耀性史的消息，當中三位女受害人先後發聲，有一位更連身份證都被公開，而C先生亦被發現原來曾是前香港武術代表隊成員，亦是游泳教練！

C先生在網上發布不雅片段，疑似炫耀性史。（圖：《東張西望》截圖）

去到最新一集，節目組找來同行游泳教練力數C先生的惡行，當中有人爆料他吸食毒品後教學生游水，指他有吸食大麻的習慣：「佢食完之後會迷迷糊糊，作為一個教練，其實應該除咗教識個學生，學生安全先係第一位，喺自己唔清醒嘅狀態之下，點樣可以保障到學生安全呢！」另一位同行就指他「攞開貨」：「佢話好正，啲貨好正囉！同佢啲friend講，但我哋係側邊會聽到。咁你大麻有味㗎嘛，即係同你食煙一樣，會聞到佢有味㗎，如果佢行近，同埋佢神情呆滯㗎喎！」更透露C先生曾在教水時令學生遇溺，幸好有人眼明手快把小朋友拉回池邊！此外，C先生更被踢爆是「時間管理大師」，同時間追求女教練及學生家長，亦不時在泳池跟女教練有親密接觸。

有人爆料C先生吸食大麻之後教水險生意外。（圖：《東張西望》截圖）

據知C先生「時間管理大師」的身份早就被唱通街，更有「蘭桂芳XX」之稱。C先生就承認影片由他拍攝，但就否認放上網。C先生的泳會之後發出聲明指他們的教練遭「有心人」惡意中傷，更會發出聲明逐一回應指控。

C先生承認有拍片，但沒有放上網。（圖：《東張西望》截圖）

圖：《東張西望》截圖