【橙訊】電話騙案層出不窮，隨著科技進步，利用深偽技術（Deepfake）去詐騙的數字更大增，不過著名主持森美最近就成功智破一宗deepfake他好友吳君如的騙案，昨天（12月29日）更在社交網上公諸同好，讓大家笑一笑同時提防騙徒。

森美分享deepfake吳君如視像詐騙電話。（圖：sammy903@Instagram）

森美昨日在社交平台上貼出一條短片，表示收到一位自稱是吳君如的人WhatsApp他寫：「亲爱的粉丝，你好吗？我是吴君如，我知道你一定很惊讶我给你发讯息。但我有急事找你！」森美回答「她」：「Hello君如！我係森美呀！」然後該位「吳君如」竟然問他：「誰是森美？」然後更要求視像對話。

森美用另一器材拍低與「吳君如」視像通話的的短片，可見「吳君如」雖然五官十分似真人，但是髮型大變，一頭男性化的7:3分界短髪，髪線變高，臉型變長，顯然與本尊有別。

deepfake「吳君如」髮型大變。（圖：sammy903@Instagram）

而且她更操著一口半鹹半淡的廣東話與普通話夾雜：「喂聽唔聽到…禾(我)係君如……禾現在被導演賣咗去柬埔寨……需要借$5,000禾(我)就搭船返香港……幫幫忙幫幫忙、唔該、謝謝……」森美中途追問：「乜嘢導演呀？」、「你拍KK園之戀？」，但「吳君如」都未有正面回應，只匆匆表示已把轉賬戶口號碼發了給森美便收線。

森美在貼文中tag了吳君如帳號，笑問：「你喺柬埔寨邊度啊？使唔使搵人嚟救你？」又提醒粉絲們：「依家啲Deepfake都真係幾真，淨係睇樣都真係有機會認錯，除咗口音… 都真係有6、7成似君如㗎！依家真係越嚟越多電話騙案，大家真係要搵啲方法Deepfake詐騙，醒目啲！」

森美收線後笑言多年前與君如跟Tony Jaa學泰文後，都用泰文溝通，不是講普通話。（圖：《Tony泰文教室》）

片段一出即令網民爆笑熱議，有人嘲deepfake得不夠像真：「我仲以為係鄧兆尊」、「係咪余笑琴黎呀？」、「有d似Donald（唐劍康）」、「君如靚好多喎！咩料呀呢個？」亦有留言好心反提醒森美：「千祈唔好俾佢影你個樣」、「佢地就係用視像記錄你嘅樣再用AI扮你去呃人架」等等。

真正的吳君如12月26日與容祖兒、蔡卓妍等好友開派對，留的是一頭金髮。（圖：sandrangky@Instagram）

圖：sammy903@Instagram、sandrangky@Instagram、《Tony泰文教室》