【橙訊】58歲前亞視小生甄志強於90年代因為演出劇集《碧血青天楊家將》而成功入屋，更憑住高大俊朗的外型而獲封「最帥展昭」。正當演藝事業走到最高峰的時候，甄志強就在1998年驚爆同年長23年的富婆趙金卿發展母子戀，外界都嘲他是「二打六」、「軟飯王」，可惜二人疑似受不住壓力而分手，結束兩年戀情。

甄志強不時去打高爾夫球，仲有美女作伴。（圖：甄志強@小紅書）

跟富婆分手後，甄志強漸漸淡出幕前轉戰商界，在深圳及上海搞飲食業，雖然經營不善，但甄志強仍然過住無憂生活，2018年創立「香港藝苗會」大搞慈善事業外，亦先後演出過《詭探》及《PTU機動部隊》過戲癮，閒時亦會在社交平台公開自己去打高爾夫球的照片，身邊更有美女作伴，非常享受。相比起以前明顯發福不少的他，近年就回流返港，早前更跟張文慈做直播賣花膠燕窩。

甄志強曾同年長23歲的富婆趙金卿有過一段情，更因而被嘲是「軟飯王」。（圖：星島）

而對同富婆趙金卿的一段情，甄志強坦言二人真心相愛，過去曾在好友楊紹鴻的YouTube節目表示「我拍拖有咩問題呢？佢喺香港叫做有啲知名度，嗰啲人係用錢去衡量高低，嗰陣我仲年青，覺得我哋拍拖又唔關你事，但原來唔知傷害性有幾得人驚，做到展昭都被人叫『二打六』，咁都冇辦法呢，即係何家勁都係？佢哋係咪將一啲嘢夾硬扭曲嚟講呢？我真係唔係『二打六』喎，觀眾覺得做展昭算唔算係『二打六』？如果你覺得係，可能金超群都係！」

甄志強曾被封為「最帥展昭」。（圖：網上圖片）

圖：甄志強@小紅書、星島、影片截圖