【橙訊】蔡思貝（Sisley）於2013年通過參選港姐勇奪亞軍後入行，入行10年一直受到力捧，但一直負評、緋聞不斷，先後同過多位男星傳緋聞，包括：胡鴻鈞、張振朗、余德丞及徐肇平等，而當中最爆的必定是同「人夫」王浩信的「閉門打邊爐」事件！當年有傳二人同《踩過界》台前幕後打邊爐，期間反鎖房門獨處10多分鐘，事後王浩信否認傳聞，但因為再被雜誌圖文並茂爆他夜訪蔡思貝香閨，蔡思貝自此被認證為介入王浩信同陳自瑤婚姻的「小三」。

蔡思貝當年傳出同王浩信「閉門打邊爐」，被掛上「小三」之名。（圖：sisleychoi＠IG）

近日蔡思貝作客無綫節目《與天地對話》，罕有剖白入行至今的內心感受，更在鏡頭前重提「食飯緋聞」！蔡思貝表示加入娛樂圈之後，跟她想象的完全不同：「我以前細個睇嗰啲娛樂雜誌就覺得，咦，食餐飯啫，有咩所謂啫？咁咪食飯囉，點解要咁瑟瑟縮縮啫，即係呢啲無知嘅諗法，咁當自己喺嗰個位置嘅時候，以為食飯啫，唔係男就係女㗎喇，呢種思維原來喺呢個圈係唔可行嘅，最後帶來受傷害嘅係自己。」蔡思貝坦言自此對於建立人際關係感到恐懼，不懂如何去相處。

蔡思貝在節目剖白入行至今的內心感受。（圖：TVB《與天地對話》節目截圖）

雖然蔡思貝未有開名「食飯對象」，但網民即時代入主角是王浩信，有人激動留言：「勿做人小三，破壞人家庭，會有因果的」、「你食飯就食飯，點解要鍚人老公。」、「做小三仲要講到自己有幾咁慘，仲要扮可憐。」不過亦有網民力撐指：「冇證冇據，一直抹黑。陳自瑤好似冇指名道姓指控過，也沒有說過她的婚姻因蔡思貝而變得不幸。有本事拿證據出來，別一直躲在電腦後當鍵盤俠」。

有網民留言：「點解要鍚人老公。」（圖：《踩過界II》劇照）

圖：sisleychoi＠IG、《踩過界II》劇照、《與天地對話》節目截圖