【橙訊】早前因為現身無綫新節目《呃錢》，呻自己墮入婚姻介紹公司騙局的苦主黃先生，憑住自信一句「Baby face，點會冇市場？」而成為熱話，更因而被網民叫做「Baby face」。節目出街後，Baby face公然對在節目訪問他的「東張女神」梁敏巧示愛，誓言要在30日內將對方成功追到手，早前更搞了一場大龍鳳，衝到去梁敏巧居住的紅磡區，又買花又買戒指，兼揚言「諗好咗7大承諾送俾佢，只要佢肯同我一齊，佢一定好幸福！」

Baby face在節目出街後，揚言要在一個月內追到女神梁敏巧。（圖：《東張西望》截圖）

對於Baby face極力追求，大家都非常關心梁敏巧的反應，昨日（19日）梁敏巧現身《萬千星輝賀台慶2024》綵排時，就回應「戀情」，自爆現時很多朋友都稱呼她為「Baby嫂」，又表示每一次被朋友問起的時候，她都會搞笑回應「差唔多一個月就會拍拖。」暫時仍未有進展，而對於「Baby嫂」這個稱號，梁敏巧就話「朋友開心我就開心。」認真大方。

Baby face早前搞一場大龍鳳，就是為了討得女神歡心。（圖：網上圖片）

被問到會不會有日被Baby face打動，接受他的追求時，梁敏巧的回應非常官方：「事業為重啦，努力向上。」不過就大讚見到Babyface有進步很替他開心：「見到佢一個月以嚟進步，我見佢又染髮仲唱埋歌添，都，係囉，加油！一個男人為我做呢啲嘢，都的確係（感動）。因為我第一次的確畀咗佢，第一次有人為我作首歌。雖然係佢，但都係第一次。」問到梁敏巧覺得Babyface還有甚麼進步空間，例如身高時，她就回應：「嗱，我歷任男朋友都唔係高過我，我體重嘅話，我鍾意有肉地嘅男仔，我覺得好有安全感。」

梁敏巧自爆現在被朋友稱呼為「Baby嫂」。（圖：maggiemanhau@IG）

圖：《東張西望》截圖、網上圖片、 maggiemanhau@IG