【橙訊】現年28歲的無綫小花陳嘉慧（Erica），去年10月無預警宣布同圈外富貴男友Calvin閃婚，榮升做幸福少奶奶。之後結婚不夠兩個月，又再於社交平台報喜，曬出一張BB超聲波照，公開陀B喜訊，即時被網民質疑是「奉子承婚」。到今年3月，Erica順利誕下囡囡做新手媽媽。Erica曾經講過準備隨時復出，但產後近8個月的她仍然專注相夫教女，享受跟家人的幸福時光。直到昨日，Erica傳出發生交通意外。

陳嘉慧去年10月突然閃嫁有米老公，五個月後更誕下囡囡做媽媽。（圖：001ericackw＠IG）

據知，Erica的老公在東區走廊往柴灣方向行駛時，駛近維園對開撞壆自炒，意外發生後Erica的老公不適嘔吐，而Erice則受輕傷，二人都即時被送院接受檢查，幸好未有大礙。Erica在回應傳媒時表示：「我哋暫時冇事，少少皮外傷冇咩特別，多謝關心。」更指先生同老公都沒有大受傷，但需要留院觀察：「頸同心口都有啲痛。」

昨日陳嘉慧同老公傳出發生交通意外。（圖：001ericackw＠IG）

Erica於2016年仍是學生時，趁住暑假期間參加無綫電視臨時演員招募，因而有機會客串劇集《溏心風暴3》，期間對演戲產生興趣而入讀第29期電視藝員訓練班。Erica畢業後直接簽約成為無綫旗下藝人，更得到公司力捧，先後演出劇集《愛上我的衰神》、《你好，我的大夫》、《本尊就位》等。正當工作及知名度走上高峰時，Erica就突然宣布做人妻，令網民都大感嘩然。

陳嘉慧回應沒有任何大礙，不過要留院觀察。（圖：001ericackw＠IG）

圖：001ericackw＠IG