【橙訊】昨日（10月31日）是一年一度的萬聖節，不少藝人都悉心扮鬼扮馬，務求在社交平台成功呃like。而出曬名是好老公、好爸爸的陳展鵬，雖然工作繁忙，但亦趁住萬聖節同老婆單文柔及女兒豬比扮成吸血鬼家族，大曬另類溫馨。

陳展鵬同老婆及囡囡扮成吸血鬼家族。（圖：rucochan＠IG）

陳展鵬同單文柔各自都有在社交平台分享一家三口的「吸血鬼家族」照片，最得意的是豬比在鏡頭前面勁有戲，表情多多，而且跟爸爸媽媽的暗黑造型不一樣，豬比化身可愛南瓜鬼，面上畫上可愛妝容，成功融化大家的心，不少網民大讚豬比可愛，又指她遺傳到爸爸媽媽的美貌，大個一定是靚女一名。

網民大讚豬比愈大愈靚女。（圖：rucochan＠IG）

另外一張就見到陳展鵬肉緊攬住老婆單文柔，似乎想扮吸血鬼「吸血」。陳展鵬表示：「好多人問我咩角色最想演，咁當然有好多啦，但我鍾意嘅依家都未必流行，而且呢個年代冇乜殭屍片，所以可能好多小朋友，都唔知我搞乜鬼，其實我細個真係好想吸下人血。」有網民見到陳展鵬一家三口的造型，表示回想起他曾經出演過的亞視劇《我和殭屍有個約會》。而陳展鵬亦突然提到「細個嘅時候好多人話嘴嘴會生BB，有冇人聽過吸完血都會生BB，明明萬聖節要扮恐怖，但係都要玩反差，唔通真係負負得正」，令網民猜疑他是否在暗示老婆有喜。

有網民估陳展鵬在暗示單文柔有喜。（圖：rucochan＠IG）

圖：rucochan＠IG