【橙訊】歐倩怡在今年5月宣布同郭晉安離婚，正式為二人18年的婚姻畫上句號。她接受媒體訪問時指，被網民不停抨擊令她耿耿於懷，她更自爆因而喊足三日三夜！

44歲歐倩怡與郭晉安已離婚5個月。回復單身的她早前做訪談節目嘉賓，自爆多年前因一場重感冒，而「身邊人」懶理她的病況，搞到她攬住痰罐暈倒，亮起離婚的決定。節目出街之後成為城中熱話，不過郭晉安在回應事件時，就強調屋企冇痰罐，令歐倩怡成為眾矢之的。

歐倩怡在節目公開離婚原因，指自己生病時「枕邊人」態度冷漠。（圖：《絲打圍爐》截圖）

她坦言當日公開談論離婚，惹來網民的不斷負評，令自己非常不開心：「我真係喊咗3日3夜，覺得好心碎，努力咗咁多年冇俾人讚過，只換嚟一堆抨擊，呢啲唔係我想要嘅反應，我真係唔知自己做錯乜？覺得連呼吸都有罪。」歐倩怡續指，「我諗唔到反應咁大，心態係自己嘅，咪調整到自己可以控制到嘅嘢，多謝大家關心。」

她認為，網上有太多假新聞：「所謂知我為人嘅熟朋友，其實我完全唔『識』佢喎，坦白講我喺呢行10幾年，朋友都唔多個，尤其近年只係接觸學校老師及家長。」

歐倩怡指自己「朋友都唔多個」（圖：星島）

歐倩怡又堅稱事情已過去，沒有遷怒於郭晉安：「都冇嘢好嬲佢，冇話邊個委屈啲，大家之後都要努力生活啦。」最後說：「每分鐘世界在變，雖然係難，但自己都要每分鐘在變嚟適應呢個世界。」

圖：星島、《絲打圍爐》截圖