政府致力打擊濫用公屋。

【橙訊】房屋署署長羅淑佩表示，今年4月要求超過25萬公屋租戶申報入息和資產，已收回超過99%申報表，當中有45戶並無回覆或不上訴，署方已發出收樓通知書，至於其他已申報的個案，署方會與土地註冊處對照，核實住戶是否有私人住宅物業。

羅淑佩今早(13日)接受電台訪問時指出，打擊濫用公屋已成社會共識，署方不時收到投訴和舉報，過往亦發現有個別公屋單位被人「租上租」，署方透過「放蛇」等方法調查後，成功收回單位。

被問到部分公共屋邨近年被發現有不少名車，羅淑佩指署方的調查會著重在樓齡較新的屋邨，了解車主是否有隱瞞或虛報資產。

被問到個別過渡性房屋或簡約公屋位置，有部分基層家庭因位置較遠、怕「細路仔返學唔方便」而拒絕入住，羅淑佩不認同，她過往不時探訪基層市民，劏房居住環境對兒童而言十分惡劣，「落街都唔會落，生活環境咁唔好，社交都成問題，更加唔會放個細路出嚟，因為你都唔知隔離住咗咩人」。

羅淑佩指，兒童在此環境生活身心發展會受影響，「講野都慢啲，怕醜、唔開心」，如果搬到過渡性房屋，居住環境稍有改善，至起碼家門外有一些活動空間，一些非牟利團體都會為居民搞一些活動。

羅淑佩呼籲基層父母：「到底係你小朋友住3年劏房，社交無咁好好啲，定係搬去過渡屋好啲？小朋友3歲到6歲，嗰段成長時間係追唔返。」她認為孩子在新環境認識新朋友，適應上未至太難，但要是為了留在原區而放棄改善居住環境，影響子女身心成長，那就得不償失。

圖：中通社