【橙訊】於2002年參加過香港小姐的葉凱茵，入行初期曾經同李思捷拍拖，不過當年有傳葉凱茵難頂李思捷花心，所以決定狠心分手，去到2009年情定從事眼鏡生意的圈外男友而結婚，婚後兩年更誕下寶貝仔郭皓琛（Orson）。不過葉凱茵亦未有放棄演藝事業，繼續演出劇作及出席商演活動。

葉凱茵曾於早年參選港姐，雖然未有入圍但就加入無綫入行。（圖：ip_hoi_yan_fan@IG）

向來都同仔仔感情極好的葉凱茵，日前就在社交平台分享同仔仔的合照，相中見到今年13歲的Orson在紐西蘭留學期間旋風式長大，而且愈大愈靚仔，有網民更形容有幾分似黃宗澤。而葉凱茵就以英文留言：「謝謝你愛我，謝謝你對我的關心，謝謝你成為我的兒子，愛你，謝謝你。」認真甜到漏。不得不提的是，Orson小時候亦曾經同媽媽一樣做過「小演員」，先後演出過《溏心風暴3》、《愛‧回家之開心速遞》、《多功能老婆》等劇集，到Orson大個仔之後，葉凱茵希望仔仔在沒有壓力下升學，於是在2020年安排Orson去外國留學，而對足球極有天份的Orson，亦得到媽媽的支持全力追夢。

葉凱茵情定從事眼鏡生意的老公，兩公婆勁恩愛。（圖：ip_hoi_yan_fan@IG）

其實葉凱茵曾在2015年懷第二胎，可惜當時患上突發性妊娠毒血症而不幸小產。據知當時葉凱茵險中風，小產亦令她身體出現後遺症，幸好在家人支持下走出陰霾。現時葉凱茵跟老公及仔仔生活美滿。

葉凱茵的仔仔愈大愈靚仔！（圖：ip_hoi_yan_fan@IG）

圖：ip_hoi_yan_fan@IG