【橙訊】林盛斌（Bob）出名是圈中的「多仔公」，同太太於2007年結婚後先後育有三個囡囡及一個仔仔，為了養起頭家，Bob身兼百職又做演員，又做主持，近日更成為娛樂公司老闆。過去陳敏之就曾經爆料Bob身家過10億，而日前他舉家由原住的九龍塘四層獨立屋，搬去同區更大的豪宅。日前Bob就趁住國慶在社交平公開一家六口打麻雀的照片，意外令豪宅內部曝光。

Bob為了養起頭家，一個人身兼演員、主持及娛樂公司老闆幾職。（圖：bob_lamshingbun@IG）

Bob公開多張與太太及仔女打麻雀的相片，見到四個仔女全神貫注地打麻將，太太就負責「觀戰」，而且大家都笑得好開心，畫面溫馨。而Bob就寫道：「慶祝國慶，唔係唔玩吓國粹呀嘛，只係打咗一圈，細佬已經輸到剩返條底褲……四娘教子，根本呢個就係一單騙案！」值得留意的是，相片更意外曝光新豪宅的內部環境！

在公開的相片可以，仔女打麻雀的地方應該是客廳，樓底又高又寬敞，旁邊更有超巨型落地大玻璃，取光度極高，更可以見到室外花園，非常寫意。而且豪宅主要以白色為主，簡潔優雅。

Bob新屋樓底極高，而且有個極大落地大玻璃。（圖：bob_lamshingbun@IG）

據知近年Bob撈得風生水起，吸金力驚人，帶挈他愈搬愈豪華！Bob一家於2015年由太子道900呎舊居搬去加多利山3,000呎豪宅，之後再搬到九龍塘的四層獨立屋，直到兩年前Bob就帶住太太及仔女搬到現時的大屋。

Bob近年愈搬愈豪華，陳敏之曾爆料他身家過10億。（圖：bob_lamshingbun@IG）

圖：bob_lamshingbun@IG