【橙訊】莊韻澄早前宣布同圈外老公呂成忠離婚，更力數前夫不是，指對方擅自將仔仔帶到台灣作威脅、「食軟飯」、情緒勒索等，呂成忠亦多次就仔仔的撫養權跟莊韻澄隔空互寸，二人關係僵硬。呂成忠早前表示被莊韻澄阻撓見仔仔，直到近日終於如願父子重聚，但仍不滿前妻，頻頻在社交平台發文力數前妻不是，昨日（22日）更突然爆料莊韻澄第二胎流產的內幕。

莊韻澄同圈外老公呂成忠離婚，二人連日來在網上互數不是。（圖：xeniachong＠IG）

到日前莊韻澄在出席活動時透露仔仔患有自閉症障礙，但就表示會樂觀面對，直言「從不覺得照顧孩子是辛苦的」，怎料新聞一出再引來呂成忠爆料指仔仔早在一歲多時已被診斷有嚴重自閉症傾向，更踢爆「我每朝早送個仔堂，你話攰瞓多陣，整個學期只陪BB上一次堂，而家又唔俾BB返學。」又指莊韻澄因「自身利益」而不肯讓BB接受訓練。

莊韻澄透露仔仔患有自閉症障礙，但「從不覺得照顧孩子是辛苦的」。（圖：xeniachong＠IG）

此外，莊韻澄曾在兩年前宣布再度懷孕，但不久後就透露第二胎因為染色體出現問題，患上罕有的巴陶氏症，要在20周前接受終止懷孕手術。昨日呂成忠再踢爆，指莊韻澄在公開懷有第二胎的時候早就知道囡囡患左巴陶氏症，做人工流產：「佢之後出post叫人恭喜佢有喜，做手術當日就出Post解釋BB患巴陶氏症。佢同我講佢計劃，我心𥚃面好難受，心裡面亦諗唔知可唔以用堅強嚟形容佢心態。見新聞係你工作，我明白。為幫人宣傳，利用我個仔問題？」擺明寸莊韻澄用仔女搏同情見報。

呂成忠暗寸莊韻澄用仔女博見報。（圖：jlui0808@IG）

圖：xeniachong@IG, jlui0808@IG