【橙訊】41歲阿Sa（蔡卓妍）最近就忙住同TWINS好姊妹阿嬌（鍾欣潼）舉行《Twins 22周年巡迴演唱會》，今年年初才完成14場香港場，日前她們就移師去到內地開騷，將巡迴杭州、重慶、上海、南京、深圳、武漢、北京等14個城市，早前二人在佛山舉行第23場演唱會，吸引大批粉絲到場力撐！演唱會上蔡卓妍換上多件華麗歌衫，更超用心配上靚靚珍珠色指甲，不過前日阿Sa就突然在限時動態公開一張指甲相，自爆因為自行拆美甲而搞到「見紅」。

阿Sa近日正在同阿嬌在內地舉行《Twins 22周年巡迴演唱會》。（圖：choisaaaa＠IG）

在阿Sa公開的相片見到，其手指甲已經花晒，甲邊更有少少血跡，而阿Sa更將指甲頂部加上馬賽克的特效：「十指痛歸心，因為太核凸所以要遮住，沉重嘅教訓。點解我要咁衝動，以後喺眼瞓同攰嘅情況下，真係唔可以做啲咁需要技術嘅嘢…諗住畀啲指甲休息下，自己拆甲。點知拆到無咗四分一甲，仲整到花晒流晒血，痛到喊，醒到呢」雖然看不到指甲的模樣，但單靠阿Sa的文字都覺得痛。

阿Sa在限時動態自爆多手自己拆gel甲，搞到流晒血。（圖：choisaaaa＠IG）

另外，完成內地巡迴演唱會一半的阿Sa，日前亦忙裡偷閒在休息期間為經理人Mani慶生，更去觀看大前輩郭富城演唱會。而早前阿Sa更公開自己去泳池玩水的照片，見到她晒出性感三點式泳照，不少圈中好友都紛紛留言大讚，網民對於阿Sa的「凍齡美貌」及好身材亦感到嘩然，表示現時的她跟出道時幾乎冇變過！

阿Sa雖然已經41歲，但「凍齡美貌」及好身材，跟出道時幾乎冇變過。（圖：choisaaaa＠IG）

圖：choisaaaa＠IG