【橙訊】容祖兒出道24年，演唱會經驗豐富，但近日竟發生驚險意外。日前她在澳門舉辦巡唱，在尾二場時升降台機關失靈，使其失足險些墮台，一度令觀眾騷動。幸好她身手敏捷，避過一劫。事後Joey在社交媒體上載「蝦碌」片段，有講有笑，並無大礙。

日前容祖兒在澳門舉辦巡唱（圖：小紅書）

容祖兒（Joey）由7月13日起在澳門舉行共12場巡唱，在前晚的尾二場，發生失足意外。當時她腳踏4吋高跟鞋，正在唱跳《全身暑假》，令全場氣氛高漲，觀眾聞歌起舞。歌曲近尾聲時，她走往舞台中央，升降台突然下降，Joey「嘩」一聲倒地，且面向地趴低，全場觀眾驚呼。

幸好Joey臨危不亂，即用手踭撐住地面，護得著面部，再來個「鯉魚翻身」，碌一碌就起身坐在台上。舞者及工裝人員連忙上前幫忙。Joey有驚無險：「邊度跌低就喺邊度企起身」，繼續演出，表現專業精神。

Joey上載蝦碌片段（圖：yiungchoyee@IG）

Joey安全落台後，仍有心情跟觀眾講笑，自嘲怕樣衰：「大佬呀，嗰吓我都覺得好應㗎！不過我冇事，我食過夜粥㗎嘛，有武功根底，不過頭先如果影到啲好樣衰（片段），唔該唔好擺上網，我行『型』嘛。」

完騷後，Joey在社交網上載跌倒的短片，向粉絲報平安：「其實我自己都覺得好好笑，連人帶聲跌咗落『坑渠』咁，我睇咗好多次，多謝各位扶起我同時又繼續專業表演嘅夥伴們，LOVE u。」英皇方面交代Joey情況：「好彩祖兒反應快，最後冇事，台下所有同事都嚇親」，可謂有驚無險。

側臉捕捉到驚險一刻（圖：yiungchoyee@IG）

圖：yiungchoyee@IG、小紅書