【橙訊】1998年香港小姐季軍、現年49歲的吳文忻（現名吳忻熹）早前公開自己兩年前患上乳癌，今年突然復發去到第三期，癌細胞已擴散至淋巴腺。近日吳文忻拍片記錄自己接受治療的過程，透露因為受病情及治療副作用影響，情緒不穩定，而且感到疲倦及周身骨痛。不過仍堅持拍片分享病情，希望自己有事做之餘，亦鼓勵同路人。

吳文忻近日透露自己乳癌復發，正在接受化療。（圖：nat_ng_nat@IG）

昨日吳文忻就公開一條自己在接受完化療後開始甩頭髮的影片，片中吳文忻不停用手梳頭，見到她每次梳都掉下大堆頭髮，但她依然在鏡頭前保持笑容：「今日開始甩頭髮，做咗三次都冇甩，我仲以為可以打破甩頭髮嘅宿命！」期間吳文忻更拎起髮尾，表示知道會脫髮所以連頭髮都沒有打理：「呢『炸』禾稈草要唔要都罷啦，甩又有咩所謂呢? 之前咁介懷做咩呢？」

吳文忻拍片透露自己開始甩頭髮，更表示知道會脫髮所以沒有打理。（圖：nat_ng_nat@IG）

吳文忻透露有朋友曾提議她提前剪短髮，不過因為貪靚加上原來天生曲髮，如果剪短就會變回小學時代的「頭盔」髮型，更公開自己的童年相作證，表現樂觀。吳文忻表示雖然自己曾經驚過甩頭髮，但當真正要面對時都以平常心面對：「我有少少期待剪光咗係點，期待新生番出嚟嘅頭髮，因為聽啲姊妹講，生出嚟啲頭髮又幼又滑，咁又幾好喎，因禍得福！」而吳文忻的中學同學兼好友彭秀慧都有留言鼓勵她：「我記得細個講過大家光頭或者skinhead得唔得，都係話你一定無問題，因為你五官靚嘛！一世人，試一次啦！之後生返！」

吳文忻樂觀面對病情，仲話有少少期待剪光頭。（圖：nat_ng_nat@IG）

圖：nat_ng_nat@IG