【橙訊】日本宮崎縣對開海域近日發生7.1級地震，當地氣象廳發出「南海海槽地震臨時信息：巨大地震注意」通報，令日本居民極為擔心，紛紛去到超市搶購食物及日常用品進入戒備狀態。而藝人裕美就因為同日籍爸爸失聯兩個星期，決定獨自飛去福岡尋父，即使男友林作公開在社交平台阻止她赴日，但裕美都堅持「家人最重要」。

裕美近日因為同日籍爸爸失聯兩個星期，一個人飛日本尋父。（圖：wadahiromi@IG）

對於裕美要去日本找爸爸，林作表現得非常擔心，更在社交平台公開二人對話截圖，公開阻止：「如果你係我，難道你會唔擔心嗎？自己一個去日本三日，萬一有咩事點算？畀咗錢買機票都唔代表就一定要去㗎！」不過裕美完全無理，強調自己一點都不害怕，又指男友口講擔心但沒有跟她同行：「佢得個嗌字。我老竇喺嗰邊。」之後更分享一張自己準備上機的照片。不少網民都留言叫她小心，而裕美就「孝」字行頭，表示爸爸緊要，堅持出發。

林作在社交平台出PO阻止女友赴日，但又不陪女友前行。（圖：jolamchok@IG）

去到昨日下午，林作就公開一張裕美同爸爸的舊合照交代裕美已經成功尋回父親。據知裕美的爸爸原來因為身體不適而沒有外出交電話費令電話服務暫停，所以跟女兒斷聯。而裕美飛抵日本見返爸爸都很安心，表示已買定糧食和物資給爸爸，又指爸爸雖然住近福岡但很安全。裕美又指爸爸無意來港暫住，所以只好拜託當地朋友代為照顧爸爸，自己陪多爸爸一日就返港。

裕美爸爸原來因為沒交電話費已失聯。（圖：wadahiromi@IG）

圖：wadahiromi@IG, jolamchok@IG