【橙訊】鍾嘉欣（Linda）日前在剛過去的周末在廣州舉行演唱會，她對上次開個唱已是10年前，今次與粉絲久別重逢，全場座無虛席。一眾好友如岑麗香、王君馨、黎諾懿等藝人好友都拉大隊齊齊北上捧場。

鍾嘉欣日前在廣州開個唱。（圖：星島）

Linda連月來努力練歌排舞，在演唱會上一口氣演繹了21首歌。她認為最有挑戰的，是跳唱作品如《Love Love Love》、《得閒找你》及《夢伴》：「始終好多年冇跳舞，所以我跳出舒適圈好努力咁練習，好開心最後可以好順利完成，希望自己可以繼續做到老學到老，繼續挑戰新事物。」

Linda認為唱舞部分最大挑戰。（圖：星島）

提到演唱會最難忘一幕，Linda認為是唱《我結婚了》並向觀眾扔花球：「其實2015年突然結婚嘅消息，當時刺激咗好多錫我嘅人同粉絲，之後我再突然離開香港生活、生仔，好多粉絲都冇見證到我嘅婚禮，呢個環節好似之前結婚咁，分享番呢個重要時刻，而花球裡係好特別，有我寫嘅字句。其實成個演唱會，有好多令我感動嘅時刻，喺出騷前，我有個目的，就係上天透過我嘅正能量，將愛同關懷帶畀觀眾，好感動我喺今次演唱會成功做到！」

天使造型非常亮眼（圖：星島）

雖然家人並沒有到場，但有一班好姊妹專誠到廣州撐場，Linda表示喜出望外：「唔知道佢哋會嚟，之前君馨又話要開會、亞男又話要返工，個個都好似好忙咁，佢哋突然間出現晒，好.。」Linda又指笑言完騷後要「食餐勁」，並希望返加拿大見老公同仔女。

一眾好友到場支持令嘉欣添驚喜。圖：星島）

圖：星島