【橙訊】藝人鍾嘉欣將於明天（10日）在廣州開騷，她日前已抵達當地為個唱綵排。嘉欣也有連日在社交媒體發文及上載影片，為演唱會造勢。只見她狀態大勇，十分享受與舞蹈員排練的過程。

鍾嘉欣明日在廣州開演唱會（圖：chungkayanlinda@IG）

鍾嘉欣穿上鬆身Tee與運動褲，薄施脂粉，與一眾舞蹈員落力排練，見她全程表現投入，非常落力。另外，嘉欣在帖文寫上開騷前的感受，她感性表示：「我今日第一日嚟到中山紀念堂，心情好興奮，頭先入到去個感受好正，裏面比我想像中大，我好期待之後嘅演唱會。」

鍾嘉欣在大陸有不少粉絲（圖：官方海報）

鍾嘉欣續指：「等咗好耐，我對上一次開演唱會係10年前，我真係好多謝觀眾粉絲們同朋友，一直冇放棄我，因為我覺得放棄係好容易，人生可以做到自己鍾意嘅嘢係好難得，我哋唔應該因為我哋結咗婚、生咗小朋友或者搬咗一個好遠嘅地方或者年紀大咗，唔應該因為一啲原因，而唔繼續去做自己鍾意做嘅嘢，我會繼續加油同大家一齊成長。」

鍾嘉欣淡妝依然美麗（圖：chungkayanlinda@IG）

圖：chungkayanlinda@IG、官方海報