【橙訊】63歲音樂人周啟生向來言行出位，不時在社交平台公開批評樂壇後輩。日前他就在Facebook出帖文，表示歡迎網民留言選出「你最唔要聽到佢唱歌嘅歌手」，沒想到近年在各大音樂頒獎禮橫掃不少獎項的林家謙居然被點名，周啟生隨即以一句「嗰條廢青我都麻麻哋鍾意！」回應，即時遭到網民「洗版式」鬧爆。

周啟生日前公開形容林家謙為「廢青」，遭到大批網民留言鬧爆。（圖：周啟生@Facebook）

面對大量網民批評的周啟生似乎未驚過，近日再出post回應為何態度強硬兼爆粗：「如果大家曾經去過另外嗰幾個轉發咗我個post嘅post睇吓，你會發現成班唔講道理嘅X街冚家X，好似一群癲狗，有目的同埋組織咁圍住我嚟咬。我毫無保留，亦冇選擇，所以我無餘地咁樣同呢班仆街開火！《不畏強權，唔怕惡勢力，你夠膽嚟我夠膽同你開拖！》」

周啟生表示每個人都有發言權利，又揚言「就算行到出街，我都唔會怕你哋！」周啟生亦公開鬧爆「文人多說話」專頁大讚林家謙的帖文：「唱歌超級雄壯/咬字清晰/好有氣/但係天生太靚仔。彈琴簡直係低班馬，佢夠膽我收埋一隻手同佢一齊彈一隻歌！我講得出口，我唔會收：X你唔起呀？我幾X時變咗中三學歷？」周啟生不滿社交網專頁「Timable」的改圖，加上「中三程度」的標籤，令他十分不滿。

周啟生直指林家謙彈琴「低班馬」。（圖：terencelam0903@IG）

事後「文人多說話」專頁都出文回應，表示完全不認識周啟生，又言周啟生今次的回應好奇怪：「佢要同林家謙打擂台咁，要收埋一隻手去讓人地彈一隻歌去比高低，呢啲係咩對決？比武招親？考武狀元？洗唔洗搵viu、tvb、hoy、rthk去直播？」

周啟生表示「人人都有權講自己想講嘅嘢」。（圖：周啟生@Facebook）

圖：周啟生@Facebook, terencelam0903@IG