【橙訊】巴黎奧運如火如荼，香港各大電視台都派出體育記者直擊賽況，緊貼賽事。然而，有ViuTv記者就被批評「似質問多過採訪」，絲毫不顧運動員感受。

饒家輝是ViuTV記者（圖：NowTV節目截圖）

ViuTV記者饒家輝近日遭網民劇烈抨擊：柔道女將王嘉莉64強止步，表示不滿自己表現。但饒卻顯出咄咄逼人之勢，不斷追問王嘉莉在比賽中的技術過失：「你賽前都講過想同佢鬥立技，但比對手拖到用寢技，最主要關鍵係咩呢？你有一刻做漏咗咩？」、「跟咗蒙古教練一段時間，你覺得蒙古教練教你嘅嘢，呢場比賽你拎咗出嚟有幾多？拎到幾多嚟用？」

柔道女將王嘉莉64強止步（圖：ViuTV直播截圖）

連珠發炮的訪問不止惹來網民批評，連空手道運動員李振豪亦有在社交媒體出帖：「人哋剛輸咗比賽回到採訪區，記者問個人感受之類人之常情，但用到我個人認為輕佻嘅語氣問到好似賽後檢討咁，係所為何事呢？其實可唔可以照顧下運動員嘅個人感受？踏上呢個舞台用咗幾多氣力、個人同團隊花咗幾多心血，唔會有外人清楚。我都想問個記者，『你知唔知人哋唔滿意你邊度啊？』」

網民在ViuTV的片段留言：「Viutv絕對要換咗訪問條友，審犯咁，係咁問人邊度出問題，上屆已經覺得佢好差。」、「粗俗講句，佢憑咩同奧運選手咁講嘢呢？」、「咩料，同公開羞辱差唔多」也有人認為：「佢好想Show到自己好有認識好識問問題好尖銳，但忘記咗尊重同鼓勵運動員係更重要，特別係輸嘅情況下，其實佢問完答完又點？觀眾有得著？冇就不如關心吓運動員畀啲鼓勵人。」

港隊乒乓球混雙組合黃鎮廷與杜凱琹在8強擊敗西班牙組合，殺入巴黎奧運4強。（圖：ViuTV直播截圖）

而在另一場訪問中，饒家輝訪問港隊乒乓球混雙組合黃鎮廷與杜凱琹在8強擊敗西班牙組合，成功晉級4強，然而饒家輝語氣也是比較「倔」，兩次問道「發生咗咩事」，有如上司質問下屬。網民就開Post要求：「集體投訴Viu記者饒家輝」，指他連訪問勝出運動員都像教練般檢討對方表現，其他人留言：「好似老細對下屬咁」、「睇Live都打咗個突」、「語氣係嚴厲咁問，勁冇禮貌。」

圖：ViuTV直播截圖、NowTV節目截圖