【橙訊】連詩雅（Shiga）上年同老公陳家樂結婚之後，今年2月就宣布造人成功，正式榮升做人父母！上周四（18日）Shiga就報喜成功誕下重5.9磅的小公主Camila，母女平安，作為新手媽媽的她自爆待產時緊張到要打鎮靜劑，而新手爸爸陳家樂剪完臍帶更興奮到抱住囡囡Camila爆喊，二人更分享在醫院所拍的第一張「全家福」，非常溫馨。

Shiga上周四成功誕下囡囡Camila，重5.9磅。（圖：shi_ga＠IG）

剛生完囡囡的Shiga近日就在社交平台分享產後近況，更公開一張腳的照片表示自己的腳現時腫到好似豬蹄一樣：「整個懷孕期反而從來冇腳腫過，生之前都完全冇事，但係生完之後竟然腫到豬蹄咁。」雖然Shiga一心想講自己腳腫狀態，不過網民就放錯重點，將關注點放在她的靚靚腳甲上，更指她不只生BB時貪靚到要化妝上陣，就連生後都貪靚做腳甲。此外，Shiga仲自爆自己臨生前去了植眼睫毛：「用孕婦都安全用嘅膠水，植咗上下眼睫毛，咁就日日起身都可以 FULL MAKEUP咁啦」誓要做個由頭靚到落腳的索媽媽。

Shiga分享自己產後對腳腫到似豬蹄。（圖：shi_ga＠IG）

此外，Shiga亦有公開用手抱住囡囡Camila腳仔的相片及包到實睡覺的照片：「見到啲BB包到成個糉咁，真係好得意。」見到Shiga產後已經不停公開囡囡的可愛相片，好明顯是個「女兒傻瓜」，一定會錫囡囡錫到燶！

Shiga連番公開囡囡的得意相，完全是一名「女兒傻瓜」。（圖：shi_ga＠IG）

圖：shi_ga＠IG