【橙訊】由梁思浩、黃紫恩及黃耀英主持的新靈異直播節目《直播靈接觸》前日請來導演王晶及奇門遁甲張芯熏師傅做嘉賓，分享電影圈的靈異事件，當中王晶就自爆曾被已故動作巨星傅聲亡靈纏身。

王晶日前作客梁思浩主持的靈異直播節目，更分享自己的故事。（圖：leung_sze_ho_spencer@IG）

拍過無數電影的王晶在節目上講笑表示拍鬼片是因為成本低但效益大：「好多人鍾意睇，我哋乜嘢收得就拍，蝕本機會低。」在分享拍鬼片趣聞期間，王晶就重提自己曾經被已故動作巨星傅聲亡靈纏身的故事：「拍《花心大少》時，同阿叻、汪禹、傅聲好老友成日一齊玩，傅聲撞車出事時仲拍緊我套新戲，拍咗7日。」好友離世後，王晶想找辦法去處理未拍完的電影，於是就請教玄學師傅，結果被師傅打發走，事後友人跟王晶講，師傅表示傅聲跟住王晶，更加滿面鮮血。但王晶認為不可信，他表示跟傅聲好老友，認為對方不會傷害他，亦沒有感到害怕。

王晶分享有師傅表示已故傅聲（右）的亡靈曾出現在他身邊。（圖：劇照）

另外，梁思浩亦分享自己以前曾經同已故鬼才「霑叔」黃霑討論過「前世冤孽」，而王晶就自爆有遇過類似的事︰「我會覺得其實係『前生冤孽』，因為我係好有原則、好硬頸嘅人。但為咗某個人，覺得就算犧牲一切，放棄底線都值得。」王晶更表示霑叔前車可鑒︰「霑叔嘅例子係一塊鏡警醒咗我，我醒係因為睇到佢，霑叔咁叻都咁樣，我無佢咁叻，所以我早啲放手，當然點都會痛。」雖然王晶未有明確講明自己為了誰放棄底線，但網民都猜測對方是他曾經合作過的其中一位「晶女郎」。

有網民猜測，王晶在節目所提的「某個人」是其中一位「晶女郎」。（圖：劇照）

圖：leung_sze_ho_spencer@IG, 劇照