【橙訊】歐倩怡同郭晉安一直都被視為圈中模範夫妻，但今年5月二人突然宣布離婚結束18年的婚姻，令外界大為震驚。去到日前，回覆單身的歐倩怡接受YouTube節目《Chill Good》訪問時，就自爆有玩交友App，除了提到自己曾先後幾次在約會前改時間地點外，更出言：「女人真係唔好讀太多書，真係有啲男士係會驚你，portfolio寫自己咩咩咩，勁得滯係嚇親人，所以盡量簡單啲！」事後被網民圍攻不尊重約會對象，兼炫耀學歷自視過高！

歐倩怡日前在節目上的「女人真係唔好讀太多書」言論，引來網民批評。（圖：《Chill Good》截圖）

歐倩怡得知自己的發言惹來網民不滿，都有在網上回應試圖「滅火」，可惜網民不賣帳，近日就連宋芝齡都疑似加入戰團，在社交平台出文暗寸歐倩怡！宋芝齡提到自己有留意到一位離婚藝人分享回復單身的近況：「內容提及自己嘗試接觸網上交友app，在Profolio上，填寫自己的高學歷，以她幾次的經驗所得，是會嚇怕身邊的男仔的。以她認為的總結，女人真係唔好讀咁多書……吓？如果唔係嚇親男人……吓？」

歐倩怡雖然已經出文滅火，但依然引來網民圍攻。（圖：cindyauau@IG）

宋芝齡續指：「但以我所看，可能這位同事最近先學習玩交友app，未清楚其實網上的虛擬世界是極之虛幻的。9.5分飄、0.5分實，與學歷沒有正面的關係。對於這方面我個人有點睇法，如果正常人以正常的邏輯思維去接觸現時的虛擬世界，那麼無論是男或女一定要小心、小心小心小心再小心，不要做純純的小白兔。電視的宣傳片，警方都有經常提醒：提子、提子、提防騙子！」雖然宋芝齡未有在文中指名道姓，但明顯是在評論歐倩怡之前的發言，更表示考慮開辦女性的交流座談會，提升自我及緊貼社會。

宋芝齡未有在文中指名道姓，但明顯在暗寸歐倩怡。（圖：sungchihling@IG）

圖：《Chill Good》截圖, cindyauau@IG, sungchihling@IG