【橙訊】自從《東張西望》報道何伯同新何太的故事之後，二人一夜之間成為「大紅人」，過去一個月一直被網民瘋狂討論，有人更加開設Facebook群組專門追蹤二人私下生活的「真模樣」及最新動向，甚至連阮兆祥同李思捷都在節目《福祿壽訓練學院》入面扮演何伯同新何太，熱度完全是明星級數。

《東張西望》訪問完何伯同新何太之後，二人被討論了足足一個月。（圖：《東張西望》截圖）

去到前晚《東張西望》又再訪問何伯同新何太，給新何太機會澄清網上各種傳聞，例如她被指曾經在東莞做過骨妹、拍抖音片教人「釣金龜」露出貪錢本性等。何伯同新何太在節目上面「派花生」，有觀眾看得過癮，但亦有網民對二人產生厭惡感，就連TVB主持麥美恩都睇唔過眼，大膽在社交平台Threads表示：「佢兩公婆，仲搵《東張》，唔係啊化。」帖文一出，不少網民都表示認同留言：「係時候趕走佢哋啦，好煩呀」、「大家一齊去通迅辦舉報，教壞人節目」、「完啦，好嗎」、「係咪播出街有錢收」、「睇到悶」、「有無錢收？純粹為流量」、「仲有話題咩」等。

有網民開始對《東張西望》再三訪問何伯及新何太感到厭惡。（圖：《東張西望》截圖）

亦有人對《東張西望》感到不滿，表示不明白節目組為何要在最後一個訪問幫新何太洗白：「咁做係有道德問題，作為傳媒，要收視係明白，但到而家咁嘅情況下，唔應該再幫佢哋助攻，令人反感」、「東張西望啲正義去咗邊，咁多破綻都睇唔到？冇上抖音做資料搜集，睇下隻河馬啲態度及言論，太唔專業，失望」等。

連麥美恩都看不過眼，忍不住在社交平台發聲。（圖：mayannem@IG）

圖：《東張西望》截圖, mayannem@IG