【橙訊】《東張西望》近日收到報料人投訴，指自己老公因為濕疹問題找上一名叫「阿紅」的女中醫，怎料在看症期間阿紅突然要求對方除褲按摩及檢查精液，事後節目組發現阿紅有在召妓網站登廣告聲稱「全球獨家首創，精液顏色斷診」！《東張西望》派出男工作人員做「臥底」上門求醫，期間阿紅自爆「無牌」，更主動提出幫工作人員將精液推出來檢查顏色，找出早洩原因！

女中醫阿紅聲稱研究了全球首創獨家療法。（圖：《東張西望》截圖）

昨晚一集，報料人連同《東張西望》的主持人黎寬怡上門找阿紅對質，阿紅先否認自己做生意，表示「我自己住㗎。」之後被問到有沒有中醫牌照時，阿紅即驚青又推咪牌，又擋鏡頭：「唔好影，我而家係自己住，我呢度係中醫保健。」報料人追問阿紅為何幫老公治療濕疹期間被要求除褲，質問是否提供性服務時，阿紅開門發難：「我冇，乜都冇；我請你哋出去，我報警啊！我係做保健，保健按摩嗰啲！（但你社交平台係咪話三次濕疹就會好？）冇嗰啲，你擺證據出嚟！」

被問到牌照時，阿紅表示單位是自己住。（圖：《東張西望》截圖）

之後更一手將黎寬怡推入升降機。（圖：《東張西望》截圖）

阿紅原本想坐升降機離開，卻被黎寬怡用手擋住度門繼續追問，阿紅見狀後一手將黎寬怡推入升降機內，再衝往後樓梯意圖離開，但攝製隊追上。當黎寬怡追問治療服務時，阿紅突然大叫：「我屋企有老人家㗎！我仔都有病㗎！你咁樣搞我做咩啫？我犯咩法啊？」阿紅跑落大堂向保安求助，直指節目組騷擾民宅，最後更驚動到警方。其後警方回覆《東張西望》指初步調查後以涉嫌「經營無牌按摩院」拘捕一名58歲女子，女子獲准保釋侯查，本月中再向警方報到。

警方回覆節目組以涉嫌「經營無牌按摩院」拘捕一名58歲女子。（圖：《東張西望》截圖）

圖：《東張西望》截圖