【橙訊】上月82歲大壽的盧海鵬，入行至今已逾半世紀，自70年代成為《歡樂今宵》台柱，以搞笑作風及神模仿其他藝人，令人留下深刻印象。盧海鵬早前出席由無綫電視藝員訓練班畢業同學組成的「藝進同學會」聚會，遇上當年在第三期藝訓班的同班同學鄧英敏，暢談近況時，自揭右眼已失明。

盧海鵬（左）入行至今已逾半世紀，是一代模仿大師。（圖：《歡樂今宵》截圖）

盧海鵬與鄧英敏雖為同班同學，但其實二人年紀相差達十多年。兩人在《歡樂今宵》合作無間。今次於「藝進同學會」聚會上，鄧英敏就訪問了盧海鵬的近況，仍然精靈活潑的盧海鵬中氣十足地回話：「冇咩事，咩都冇問題，就係以前搞到自己隻眼盲咗咋。」嚇得鄧英敏立即追問詳情，盧海鵬就指因長期糖尿病引致青光眼，到得知時已沒法醫治，現時右眼失明，左眼情況還好。

鄧英敏近年轉行做YouTuber，在聚會上訪問盧海鵬近況。（圖：老友鬼鬼@YouTube）

盧海鵬淡然自爆因長期糖尿病引致右眼失明。（圖：老友鬼鬼@YouTube）

曾與周潤發行山 自律堅持早晨跑步

盧海鵬近年也積極運動，保持健康，不時與周潤發行山，但笑指因自己跑得慢，對方近來已經沒有接他。不過他仍有堅持每朝早上6時跑步，並指因而身體變好，甚至連唱歌也可以有氣、有聲。因盧海鵬2018年曾進行「通波仔」手術，他笑言自己若急跑會死人，所以每日慢跑一小時，即使患病亦未停過。

2018時，苗僑偉與太太戚美珍陪盧海鵬就糖尿病就醫，發現他其中一條血管阻塞90%，資深傳媒人汪曼玲曾透露當時導演杜琪峯和演員古天樂不斷力勸盧海鵬做手術，並由古天樂先墊支20萬醫療費用，其後盧海鵬再向保險索償。

盧海鵬近年不時與周潤發行山，並堅持每朝早上6時跑步。（圖：微博）

2018時，古天樂先墊支20萬醫療費用，力勸盧海鵬做手術。（圖：星島）

鄧英敏問到盧海鵬在下個月農曆新年有何節目，盧海鵬說：「冇咩打算，過咩節都係咁啦，我屋企人全部喺加拿大，剩番我一個喺度啫；大陸嘅屋企人呢就死晒，父母兄弟、阿哥阿嫂都死晒。」鄧英敏即指最重要身邊有一班好友、同學陪伴，並再問他會否復出演戲，盧海鵬說：「演出就難講啦，自己覺得可以做咪做吓囉。做戲嘅嘢你撩到就有戲癮，你唔撩就係咁呆呆滯滯囉。」

圖：老友鬼鬼@YouTube，《歡樂今宵》截圖，星島，微博