【橙訊】日本有「跨年蕎麥麵」的習俗，臨近年尾，大家有無興趣食港式車仔麵跨年兼做善事？主打車仔麵的永年士多，宣布今年再度推出「跨年車仔麵」，於12月31日晚上六時至九時，凡於指定分店惠顧$1三豬麵（豬紅、豬皮、豬腸），永年士多會捐出一張代用券（一碗三餸麵）俾惜食堂，將溫暖帶給有需要人士！

大家只要用$1就可以食到一碗三豬麵（豬紅、豬皮、豬腸），及可獲得2張$25現金券。除此之外，每賣出一碗三豬麵，永年都會捐出一張代用券（一碗三餸麵）予惜食堂，慶祝新年之餘可以一齊做善事！

主打車仔麵的永年士多，宣布今年再度推出「跨年車仔麵」。（圖：永年士多@FB）

供應分店：元朗、銅鑼灣、尖沙咀

供應時間：晚上6 - 9時

**活動反應熱烈，部分食材含供應數量限制，供完即止。

條款及細則：

1. 優惠適用於2023年12月31日晚上六時至九時。

2. 優惠適用於永年士多三間分店（元朗、尖沙咀、銅鑼灣）。

3. 優惠只限堂食。

4. 不可與其他優惠同時使用（包括：現金券、下午茶餐、Storellet等第三方優惠）。

5. 如有任何爭議，永年士多保留最終決定權。

永年士多，宣布今年再度推出「跨年車仔麵」。（圖：永年士多@FB）

圖：永年士多@FB