【橙訊】74歲的尹光在圈中打滾50多年，近期人氣急升，獲網民暱稱為「光B」，日前尹光首次入圍「叱咤樂壇我最喜愛的男歌手」10強，他直言：「我唱咗53年，從來未試過入圍！」，透露會搜羅潮衫出席頒獎典禮。

74歲的尹光近期人氣急升，獲網民暱稱為「光B」。

尹光昨日（19日）為TVB《萬千星輝賀台慶》擔任表演嘉賓，他接受訪問表示：「都好耐冇返嚟啦......疫情都幾年啦！我以前同TVB有約嘅，都續咗幾年約，跟住就一路唱歌，間中都會上TVB玩，娛樂嘅嘢。」

對於入圍叱咤頒獎典禮男歌手十強，尹光稱「入到十強我已經好滿足啦！如果再入到五強我真係唔夠膽諗」，更指十強的競爭對手都好厲害，被問到屆時會否出席頒獎典禮，他稱：「無論得獎唔得獎都要去撐吓。」更表示會搜羅潮衫出席，相當期待參與頒獎典禮。

圖：TVB、星島