【橙訊】主持《冲遊泰國》的旅遊達人胡慧冲經常分享旅居泰國的新鮮有趣事，近期在社交平台上主力宣傳正熱播的新節目，不過日前（11月14日）卻貼出一臉病容的照片，手掩心口狀甚辛苦，他寫道：「我懷疑我俾人落咗降頭」！

胡慧冲主持的旅遊節目《冲遊泰國》第9輯正在J2熱播中。（圖：胡慧冲@Facebook）

胡慧冲在節目中經常與美女主持合作，圖左為港泰混血兒鄺玲玲。（圖：胡慧冲@Facebook）

胡慧冲上載了4張照片，以顯示自己正在蘇梅一間酒店休息，其中1張他躺在酒店床上，右手掩著心口，面色十分差。他分享指自己發夢時被「好好人」（意指靈體）帶到佛寺，起床後更肚瀉兼周身骨痛，懷疑自己被「落降頭」，亦懷疑自己衰多口，得罪靈體惹禍。

胡慧冲卧病在床。（圖：胡慧冲@Facebook）

身在蘇梅一間酒店。（圖：胡慧冲@Facebook）

貼文全文如下：「我懷疑我俾人落咗降頭！真人真事但可能有機會我想多咗，不過夢境真係好實在，夢見泰國好好人帶了我去一個佛寺，跟住給了一些東西我，夢境非常清楚而且同時間出現兩次！之後醒來成身骨痛又肚痾，問過攝影個攝影話落降頭就唔係咁簡單啦……之後到傍晚突然之間全身發冷，回到酒店房間熄咗冷氣都凍到好緊要，又肚痾，心諗莫非我衰多口，跟住對方知道懲罰我？幸好有香港醫生為我介紹了一些藥，酒店在蘇梅島替我買了之後足足3小時超級凍……之後開始而家熱返，在酒店房食少少嘢，希望今晚會好快啲好返。好好人係呢一科識落降頭都唔出奇，可能大家真係有啲誤會。又或者可能我諗多咗，希望唔係。」

酒店為他買藥。（圖：胡慧冲@Facebook）

圖：胡慧冲@Facebook