【橙訊】女星林嘉欣與導演袁劍偉7月28日突然發聯合聲明宣布離婚，當時未有交代原因，令外界多番揣測。今日（10月10日）林嘉欣在離婚後首次出席公開活動，就正面回應事件。

有傳二人結束12年婚姻，除了因為性格不合及育兒看法有矛盾，亦牽涉金錢糾紛問題。有傳袁劍偉打算以約1,200萬蝕讓太古城物業給林嘉欣以作「掟煲費」，但其後當林嘉欣與袁劍偉整理雙方財產時卻發現帳目混亂，令雙方爭拗加劇，以致離婚。

林嘉欣與導演袁劍偉育有2女。（圖：星島）

林嘉欣在宣布離婚消息後，今日終於首次現身，出席護膚品牌活動。她正面回應傳聞，直指「呢啲都係傳說」，談到是否不滿袁劍偉縱容女兒，林嘉欣表示：「我覺得家家有本難念的經，有小朋友嘅家長都會面臨到，只不過我哋捱唔到，所以選擇分開，咁會開心啲。」

林嘉欣今出席活動回應離婚原因。（圖：星島）

林嘉欣指離婚後與袁劍偉依然是朋友，希望大家都可以正面向前行：「我心情都平伏咗，最關鍵係我同袁導演好多溝通，基本上日日都有WhatsApp，都係為小朋友學習、進度等等嘅嘢，一定要咁先係一個正向家庭。」

她又透露已習慣新生活方式，目前由自己主力照顧女兒，她指有向女兒解釋離婚之事：「一直都有家庭會議，當然一開始都有好多不捨，但佢哋發現父母分開住之後開心咗好多，佢哋成日都話開心嘅父母就有開心嘅小朋友，所以我哋都係朝住咁嘅方向。」

圖：星島