【橙訊】現年42歲的04年港姐亞軍朱慧敏（Queenie）宣佈懷孕8個月﹗報導指，朱慧敏在今年3月已經發現造人成功，預產期在今年11月。本來朱慧敏並不打算公開懷孕消息，但巨肚開始遮不住後，朱慧敏決定分享喜訊。

朱慧敏2021年下嫁心臟科醫生陳良貴（Jason）醫生，自從結婚之後便慢慢淡出娛樂圈，有時她會在網上與老公直播講解醫療知識。早前她曾在公開活動表示夫婦二人都很喜歡小朋友，亦積極養生造人，她分享稱：「其實我同醫生都好鍾意小朋友，又咁啱疫情又去唔到旅行，就諗不如索性將生B計劃提前。（每晚不設防？）我想講嫁咗佢之後，先發覺原來醫生工作真係好忙，因為佢好多時要睇症同埋為病人做手術，咁所以變咗我真係要同醫生佢度期，係要同佢預約先得，其實我同佢本身真係有心有力㗎！」

早前，Queenie與老公到瑞士旅行時，更到影樓拍攝了一輯全裸孕照呢，相信兩夫婦一定十分期待寶寶的來臨！

朱慧敏2021年與陳良貴醫生完婚。（圖：queeniechu422@Instagram）

朱慧敏不時與老公開live講解醫療知識。（圖：Facebook）

圖：queeniechu422@Instagram，Facebook