張翔指，校方十分重視事件且會嚴肅處理。資料圖片

【橙訊】港大護理系迎新營（Ocamp）懷疑有參加者吸食大麻及非禮，消息傳出後，再有人發文指，Ocamp營長及搞手默許校外人士參與，更有人吸食「綠色的山草藥」後傻笑，甚至有人抽搐倒地，所幸「冇搞出人命」。港大校長張翔指，校方十分重視事件且會嚴肅處理，一旦調查發現屬實，會採取紀律行動。

有爆料者在網上指，其友人有份在該Ocamp擔任「組媽」，對方大爆營長、搞手團隊默許「很多非HKU嘅外人」參與，文中又指「Disco night入面組爸組媽圍埋一邊玩，已經見到好多人食煙，煙霧瀰漫。」

再有爆料者在網上發文。

爆料者又指，晚上「房game」有人仲捲起「類似綠色的山草藥」吸食，之後不停傻笑。在翌日早上，廁所地下發現「好多用過嘅避孕套。」在「水game」環節玩吹奶，「即係有條管裝咗奶，兩邊鬥大力吹比對方飲」，很多freshman（新生） 覺得好嘔心走去休息，但營長同組媽就迫freshman睇，「成支莊嘅人又講晒粗口話班freshman 唔畀面佢哋。」

爆料者指，事主出營後患上甲型流感，「搞到勁唔開心」，留下好大陰影。「其實我同朋友都係辛辛苦苦考入大學都係想有入Ocamp識吓friend一齊上堂，過啲校園生活。點解搞到好似自己好似冇文化嘅人咁呢？」

警方回覆傳媒查詢時稱接到報案，亦留意到互聯網上有關帖文，新界北總區重案組人員正了解事件。港大校長張翔於新生開學禮後指，校方十分重視護理系迎新營事件，指大學是有秩序的地方，會嚴肅處理，現時正在調查階段，不方便透露細節。