【橙訊】颱風「泰利」襲港，天文台在下午4時20分改掛三號強風信號，取代八號東南烈風或暴風信號。有網民在「連登討論區」提問「有無人知每逢打風喺玻璃貼個X係咩意思？」有關帖文惹來熱議，不少網民腦洞大開提出創意十足答案。亦有網民引述數年前天文台的影片解釋原理，指這方法簡單有效適合一般巿民使用。

有網民提問「有無人知每逢打風喺玻璃貼個X係咩意思？」有關帖文惹來熱議。資料圖片

帖文趁着打風時候帖出，即時得到不少網民回應。結果，除正經回答「爆玻璃嗰陣時唔好周圍都係」、「部分碎片痴埋呱」、「等佢唔好爆咗仲要吹落人到割傷囉」外，竟然收穫了一大堆既搞笑又無厘頭的創意答案。

這些創意十足答案包括：

•請勿內進

•玩緊過三關

•表示我有做嘢㗎

•藝術嘅嘢你識條鐵咩

•表示不滿打風冇得返工

•做咗嘢，爆玻璃唔關我事

•求風神唔好爆玻璃，畀吓面

•係咪叫個風唔好吹過來咁解

•好似人地爆格咁，打個記號

•幫玻璃講：臭風唔好過嚟啊

•慶祝嚟，好似新年啲人係門口貼揮春咁

•係祈求天氣好咁解，類似日本嘅晴天娃娃

•其實係個風嚟踩線，落定marking準備爆格

•其實係每個家庭對掛10號波嘅期望（X即係羅馬數字10）

•過三關唔識玩呀？話畀個風知呢格有人揀咗，叫佢揀第二格嚟爆呀

盧覺強指，貼「X」膠紙是有效防止玻璃爆破的方法。

不過，亦有好記性的網民上載專家的說法撥亂反正，原來早在2016年時，天文台播出的《氣象冷知識》第143集以「簡易防風法」為題，當時請來理工大學前機械工程學系工程師盧覺強教授講解一些簡單及適合香港一般居住環境的防風小建議。

盧覺強指，貼「X」膠紙可改變玻璃的自鳴頻率。

盧覺強表示，貼「X」膠紙是有效防止玻璃爆破的方法，原理是大風吹來時，易與玻璃的自鳴頻率產生共鳴效應，造成玻璃扭曲及變形，最後出現爆破情況，但如貼上「X」膠紙，就可改變玻璃的自鳴頻率，令共鳴效應出現機會減少。

影片：天文台@Youtube