鄺潔楹富二代男友被指陷財困。（圖：judy.kwong @Instagram）

【橙訊】現正熱播中的無綫劇集《一舞傾城》自播出以來討論度極高，於劇集中飾演「細細粒」的鄺潔楹（Judy）為還賭債出賣身體，最後更慘被富豪SM的精彩演出贏盡全城關注。但人紅自然是非多，日前有人向傳媒爆料指Judy的富二代男友與友人在銅鑼灣合資開設的Omakase餐廳疑陷入財困，更有指欠債100萬。

劇集中飾演「細細粒」的鄺潔楹（Judy）為還賭債出賣身體。（圖：judy.kwong @Instagram）

鄺潔楹飾「細細粒」慘被富豪SM。（圖：《一舞傾城》劇集截圖）

鄺潔楹（Judy）的富二代男友Ricky Yung被指欠幾十萬裝修費，連累基層工人無錢開飯，但同時再為餐廳買獎宣傳，該報料人更聲稱有法庭文件，顯示欠債100萬，但因涉及法庭文件而未能公開。不過Judy真金不怕紅爐火，昨日出席劇集《一舞傾城》宣傳活動親自開腔澄清為不實報導。Judy稱：「最近我嘅曝光比較多，所以變咗有一啲人製造一啲不必要嘅新聞，因為以我所知，佢嘅財政所有嘢都係正常，佢都冇擔心啲咩，所以我諗有啲人係想透過呢個途徑，可能去獲得一啲好處，可以話係不實嘅報道。」

鄺潔楹續指男友並無收到任何威脅，但不排除有人搞小動作：「至少我覺得如果嗰個人覺得可以咁樣影響到我，可以借助我名氣去搞呢啲咁嘅事，咁我覺得，至少可以話可能係我最近多咗人識。」

Judy與拍拖一年多的富二代男友Ricky Yung愛得火熱，更霸氣表示如果男友財困，自己亦不會袖手旁觀：「首先我哋都OK，如果你話去到有財政困難，我都唔會袖手旁觀，不過多謝大家關心，咁我哋都非常健康地生活緊。」

鄺潔楹霸氣宣言若男友真遇財困，自己亦不會袖手旁觀。（圖：judy.kwong @Instagram）

圖：judy.kwong @Instagram，《一舞傾城》劇集截圖