【橙訊】《第41屆香港電影金像獎》今晚（4月16日）舉行頒獎典禮，影后寶座由蘇玉華、毛舜筠、張艾嘉、鄭秀文（Sammi）和袁澧林爭奪，結果由Sammi憑《流水落花》贏得首個金像獎「最佳女主角」獎。

劉德華擔任「最佳女主角」獎的頒獎嘉賓，出場後分享與多位後選女演員合作嘅經歷，先談與毛舜筠很早以前已經「發生關係」（演員合作關係），再向多年來的螢幕拍檔Sammi高呼「我愛你」，而Sammi亦以心型手勢回應華仔。

劉德華任頒獎嘉賓。（圖：ViuTV）

最終Sammi奪得「最佳女主角」。Sammi早於2001年憑《孤男寡女》角逐「最佳女主角」，先後入圍8次都未能獲獎，包括《瘦身男女》、《同居蜜友》、《鍾無艷》、《長恨歌》、《高海拔之戀II》、《盲探》及《花椒之味》。今年終於憑《流水落花》首次奪得影后寶座。

Sammi難掩興奮，流著淚上台領獎：「最佳女主角呢個獎對我嚟講好似遙不可及，但有陣時就只係一步之遙。」

她談到初時因為被認定是喜劇演員，所以轉拍正劇之路困難又漫長，今天終能被大家看到她演出上的蛻變。「喺咁多年裡面，其實我諗得最多，唔係幾時或者點樣先可以得到呢個獎，而係究竟點樣先可以進步，演技上可以提升，可以有一個蛻變。」

Sammi指今次得獎，像是也圓了父親的夢一樣：「我爸爸好鍾意藝術，佢曾經講過，我每一次演出，或者我投身藝術嘅工作，好似圓咗佢畢生嘅夢咁。我好希望我今日拎咗獎，能夠喺你藝術嘅拼圖裡面拼湊出一個更美麗嘅拼圖。」

她最後寄語所有擁有夢想的人：「追尋夢想嘅路途係好困難，但係我好想你記住呢一刻，記住我拎獎呢一個畫面，夢想係留畀永遠唔放棄、同埋堅持嘅人！」

Sammi為《流水落花》主唱的歌曲《我這樣活了一天》也獲「最佳原創電影歌曲」獎。（圖：ViuTV）

圖：ViuTV