【橙訊】 TVB劇集《隱形戰隊》，本周播出結局篇。昨晚劇情緊張，遭匡勝天（陳展鵬飾）煽動的鏗少（阮浩棕飾），與匡勝天手下暴龍（易宇航飾）及拳霸（何慈茵飾）綁走邢風（劉穎鏇Tiffany飾）及Shadow（劉佩玥Moon飾），Cool Sir（陳山聰飾）及女女（林子善飾）齊告崩潰。邢風與Shadow被綁後受盡折磨，被吊起兼施以水刑，之後又被困車內遭暴走的鏗少用泥頭車猛撞，畫面極盡官能刺激。二人被綁期間，Shadow機智地在路途中掉下警員證，令Ocean（馬國明飾）等憑著線索成功找到二人。經過一輪激戰，Cool Sir幾經艱辛救出重傷昏迷的邢風，Moon則遭鏗少等人擄走，被鏗少強姦之餘更慘遭活埋，性命與躺在醫院昏迷不醒的邢風同樣危在旦夕…

甜蜜Moment其實係暗示暴風雨即將來臨

何慈茵獲封「最強打女」

昨晚兩大亮點落在劉穎鏇與何慈茵的更衣室大戰！劉穎鏇穿運動bra top、貼身運動褲大晒纖腰，劇中何慈茵拿著暗殺武器步入更衣室，之後與劉穎鏇二人大打出手，並由Locker一直打至長櫈位置；原本一直處於下風的何慈茵，其間將暗殺武器換成Tactical Pen，並成功吼準劉穎鏇虛位下手將其制服。 

一個唔小心中咗陰招嘅Tiffany(左)，最終不支暈倒。

Tiffany唔錫身零怨言

對於網民正評，何慈茵坦言好開心：「依家佢哋見到何慈茵呢個名，就會期待有精彩嘅打戲出現，對我嚟講係好大嘅鼓勵同推動力，希望可以幫到手帶起香港動作戲嘅熱潮。」談到更衣室大戰，何慈茵大讚Tiffany專業：「我哋打嗰陣兩個都唔錫身，真係拳拳到肉，好好玩、好過癮。我記得Tiffany前臂打到瘀晒，佢比我想像中更tough，因為佢戲服好多時都係背心，手臂同腰都好難攝pad（保護）。同埋佢吊威也好多時都勒到背、胳肋底同手臂損晒，但佢依然冇怨言去努力做好每個動作。」何慈茵還特別感謝一班勞苦功高的龍虎武師：「佢哋每個人都付出同犧牲好多，冇咗佢哋啲打戲唔會咁精彩。」Tiffany昨晚則在IG上載與自己全劇唯一「替身」合照，並感謝「對方」替她完成最危險的動作，估計是指翻車場面。

女女對於Shadow被擄走當然心痛欲絕

劉佩玥成結局篇亡魂第一人？

醒後嘅Shadow反過來向女女表白，可惜卻在此時遭逢不幸。

阮浩棕做變態奸角相當入戲

另一重點位則落在Shadow與女女（林子善飾）一波多折的感情線上。當兵當足廿多集的女女，其誠意不但打動Shadow，就連追劇的網民亦深受感動，紛紛替他抱不平，更有人鬧爆Shadow不懂珍惜。可惜當Shadow覺醒欲與女女進一步發展之際，卻慘遭擄走兼被強姦，出盡辦法仍未能尋獲Shadow的女女數度崩潰。昨晚結尾，POTT終偵察到鏗少位置，女女等趕到現場後收到鏗少留下「等收屍」的字條，令女女急如熱鍋上螞蟻；另一邊廂，被鏗少折磨得不似人形的Shadow，被困死在木箱之餘更慘被活埋，到底女女等人最終能否成功拯救Shadow？還是Shadow會成為結局篇亡魂第一人？

邢風獲Cool Sir救出。

Shadow慘遭辣手摧花兼被活埋。

圖：TVB