【橙訊】TVB《隱形戰隊》昨晚（23日）播出第十四集，圍繞最新個案「拐賣少女事件」，新出場人物有POTT隊員辛曉明（吳家樂飾）女兒芷瑤（關嘉敏飾）。外表不覊但心地善良的瑤瑤，深信父親當年為了工作妄顧家庭一直耿耿於懷，之後再因誤會曉明忘記母親死忌與其大吵一鑊兼憤然離家。瑤瑤外闖期間成為壞人Michael（袁鎮業飾）目標，察覺有異的瑤瑤逃命期間收到曉明來電並哭著求救，可惜最終還是遭Michael迷暈…

今晚（24日）一集將再掀高潮，為破獲拐賣少女集團，Shadow（劉佩玥Moon飾）及邢風（劉穎鏇Tiffany飾）將假裝被迷暈混進被拐少女群。在無綫官網昨日及今日發布的兩條搶先睇預告片，作黑白打扮的Shadow及邢風化身「黑白雙嬌」，趁恐怖份子離開後馬上行動，先是站起身以型到極的動作將綁住雙手的膠索帶「瓦解」，再竭力調查線索。此時其他被拐少女陸續醒來，混亂間發出巨響引來恐怖份子準備闖入…

劉佩玥：做到盡量去做，無論幾多Take都好

對此，甚少接觸打戲的Moon笑言：「我拍親Jazz劇，好多人都話：『點解你又唔使打』、『點解又係人哋救你？』，但喺《隱形》入面，我係好打得嘅，同埋係神槍手，但因為我兩樣嘢經驗都好少，用槍方面甚至係零，所以每次拍打戲我都好緊張。我哋演員同武師溝通同練習，好多時就係拍攝嘅時候，時間唔係好多，但係要做到一定要求，所以壓力都高，都係做到盡量去做，無論幾多Take都好。好多謝我哋嘅武指同埋我嘅替身們，佢哋真係勞苦功高，亦都好畀到支持我。」Moon續指自己與其他主演們一樣，每逢開真槍都忍不住會眨眼，並曾因而發自己脾氣：「我好耐未試過做唔到某啲嘢而發自己忟憎，但冷靜同反覆練習過後就終於做到，好開心今次突破到自己好多唔同嘅嘢，亦都好感恩拍檔同監製都好有耐性，畀我反覆咁練習。」

圖：TVB