【橙訊】男團MIRROR成員盧瀚霆（Anson Lo／教主）最新推出跳唱歌曲《MONEY》，昨晚（2月23日）新MV正式出台，一晚已有近80萬觀看次數！MV大玩百變造型，換上5套裝束扮演不同角色，而最令粉絲神徒們驚喜的莫過於罕見露額頭的銀行家造型。

Anson Lo對上一首跳唱曲已經是8個多月前推出的《King Kong》，由於MV向《移動迷宮》系列電影致敬，造型方面只有一黑一白2套服裝。

【《King Kong》挑戰爆肌邋遢造型 首次做導演壓力爆煲】 

5大華麗造型

而今次新MV則華麗很多，有多達5個造型設計，原來Anson Lo亦有參與服裝構思。他分享設計意念：「帶少少復古感覺……咁多個造型都各有特色，其中銀行大佬Look係新嘗試，入行以嚟未試過喺表演上全額頭露畀大家睇，之前承諾終有一日會咁做，終於揀咗今次嚟試！」

由於想與對上一次跳唱歌的MV有所不同，今次就加了雀斑妝、賊仔Look、誇張髮型等等，浮誇一點，帶來新鮮感：「鏡頭前後都未戴過賊仔帽，再配埋我精心挑選嘅眼鏡，成件事好襯。」

當中Anson Lo至愛藍色西裝：「呢套鮮藍色西裝好多Details喺裡面，服裝團隊花咗好多心思，逐塊喱士聯上去，用咗好多功夫，裡面有同款同色馬甲，全身有皮帶，係好特別嘅一個造型。而呢隻藍色，都係入行咁多年嚟未著過嘅一個顏色。」

造型1. 罕露額頭+雀斑妝容+浮誇蝴蝶結，演貪錢銀行家。（圖：《MONEY》MV）

造型2. 全黑賊仔帽+眼鏡，演小偷潛入金庫。（圖：《MONEY》MV）

造型3. 藍色喱士花西裝。（圖：《MONEY》MV）

造型4. 紅色絲綢短西裝，百老匯歌劇風。（圖：《MONEY》MV）

造型5. 黑金對比，「Money」土豪色彩舞衣。（圖：《MONEY》MV）

新歌表達金錢不是萬能

談到《MONEY》的主題，填詞人林寶指歌曲所說的不單單是金錢價值，而是帶出由錢財延伸的價值觀：「金錢不是萬能」，沒錢同樣可以活得自豪又快樂。

其中主要角色有貪錢銀行家，Anson Lo表示他這個角色喜歡看見別人拿心愛的物品來交換錢：「見到大家咁貪錢，『我』都好開心，因為『我』嘅價值觀係好鍾意錢。」不過角色因為被心魔糾纏，所以即使有錢亦不快樂，內心最想得到的只是單純的快樂。他期望透過MV傳遞信息：「相信每個人都有自己想要捉緊嘅回憶、好珍貴嘅嘢，例如：親人、寵物、情侶送畀自己嘅禮物……有好多嘢唔係只係金錢先可以做到。」

《MONEY》MV：

圖：《MONEY》