【橙訊】李璨琛（Sam）的4歲女兒李元元（Lucy）雖然年紀輕輕，但憑可愛搞怪的個性，成為最受歡迎星二代。Instagram已經有高達38萬粉絲追蹤，絕對係人氣王！而Lucy媽媽Sophia亦經常上載女兒的搞笑生活片，不少網民都被Lucy圓轆轆的可愛樣所俘虜！不過李元元即將遇到競敵，事關Lucy媽今日（27日）在IG宣佈再度懷孕！

Lucy要做家姐了

適逄今日是李燦琛生日，自稱「李老母」的Lucy媽在IG宣佈再度懷孕，她貼出一張孕照稱：「今日係爸爸生日，除咗想同佢講聲生日快樂之外，仲想同大家分享一個更開心嘅消息，就係：老母終於都再次懷！孕！了！因為個肚太唔明顯，但係老母又好想啲人對佢再好啲：讓下位俾佢坐呀、扶下佢過馬路呀、買嘢排隊可以插隊呀、或者買嘢唔洗俾錢呀等等，所以決定要公佈啦！決心要做一個無恥嘅孕婦。」 Lucy媽更大家估下今胎究竟係Richard1.0 #定Lucy2.0，有不少網友紛紛留言恭喜，並興奮表示Lucy要做家姐了。

Lucy媽在IG宣佈再度懷孕

圖：lucy.is.good@IG