【橙訊】吳浩康（Deep）今年3月宣布與拍拖半年的郭思琳奉子成婚，雙喜臨門，Deep曾透露太太預產期是9月，今日兩人宣布兒子已在9月14日（上周三）出世，是大碼BB，重8磅11。

郭思琳懷孕期間仍手腳纖瘦，獲封「最美孕母」。　

Deep表示：「首先多謝大家關心，BB係男仔。改名方面而家仲同爸爸磋商緊。」他指太太原本計劃順產，但去到醫院時子宮頸未打開，Deep說︰「醫生建議落催生藥，因為落咗催生藥後會不時有陣痛，仲要係幾犀利嘅陣痛，太太一路承受住痛楚，醫生同護士亦都同佢講子宮頸唔係好ready，唔ready嘅程度係，人哋有一至十度，我太太係一度都冇，太太內心失望之餘亦都好擔心，當然佢亦都好期待囝囝嘅出現，但始終冇呢方面嘅經驗，所以就會再擔心啲。佢足足經歷咗十七個鐘頭嘅呢個狀況。我有剪臍帶。」

吳浩康宣布兒子已在9月14日（上周三）出世，是大碼BB，重8磅11。

Deep指去到醫院，姑娘第一句對他說：「其實你太太真係好忍得痛，佢可以咁樣頂，仲頂咗咁多個鐘。」Deep稱好佩服太太：「真係好多謝佢，一啲都唔簡單，希望我可以繼續好好配合佢嘅生活啦。」

圖：margiela.k@IG、英皇