【橙訊】唐詩詠20歲入行，一出道便參演港台青春劇《青春@Y2K》，擔任主要角色，雖然當時演技青澀，但勝在青春可愛受到大眾關注，2003年加入TVB出演青春劇《當四葉草碰上劍尖時》，並擔任女主角之一。出道逾20年今年41歲的唐詩詠，一直甚少提及家庭事，而今次決意離巢TVB，亦與她的家庭悲劇有關。

《當四葉草碰上劍尖時》集合一眾年輕新晉演員

唐詩詠（左）拍《當四葉草碰上劍尖時》是女主角之一。

今年41歲的唐詩詠剛入行時曾用本名「唐思盈」擔任模特兒，直到拍《四葉草》時受高人指點改名「唐詩詠」，希望可以提升事業運勢及擋緋聞。唐詩詠曾在訪問中提到童年過得不開心，因小時父母離異，入行前唐詩詠屋企負資產，由母親一個支撐，而哥哥收入不穩定，爸爸當時長期在大陸工作，甚少見面。

唐詩詠剛入行時曾用本名「唐思盈」擔任模特兒。

唐詩詠曾在訪問提過曾經埋怨媽咪沒時間陪伴：「以前細個太慣常佢喺身邊，好依賴佢，細個時佢好少喺我身邊，變相大個媽咪會好想陪我去做嘢，有時覺得好煩，冇珍惜，但其實我好愛佢，但冇同佢講。」唐媽媽2009年因心臟病離世，同年哥哥「炒燶」股票，再加上當時被崔建邦「劈腿」分手，令她頓成悲劇人物。

唐詩詠的母親於2009年因心臟病離世。

唐詩詠自母親過身後，足足有13年沒有慶祝生日，她曾經表示：「我嗰一日情緒會波動得好大，因為我會諗嗰日係媽咪生我嘅一日，我會諗好多嘢，所以我唔適宜搞生日會，我唔想人哋見到我好似好開心，突然之間又好唔開心，所以我想自己過。」直到今年5月，唐詩詠才走出喪母陰霾，首次與爸爸、大哥、大嫂及姪女慶祝生日。

唐詩詠與爸爸及哥哥一家慶祝生日。

唐詩詠與爸爸合照。

圖：natalietong53@IG、星島