【橙訊】梁思浩與無綫電視決裂18年，早前回巢擔任通靈選秀節目《通靈之王》監製兼主持，節目雲集15名來自不同流派的參賽者參加通靈比賽，包括「中西玄學」、「易經占卜」、「九宮飛星」、「子平八字」、「茅山術」、「紫薇斗數」、「泰國法科」、「SRT靈性反應療法」及「西洋魔法」等，現時節目已經播出兩集，共有11名「通靈專家」登場，當中「北帝代言人悟能師傅」及「女巫公主慧慧」獲讚有料到，吸引網民熱烈討論。

只有20歲嘅慧慧，震驚咗唔少網民

思浩事後受訪時指一直沒有公布外婆死訊，並謂外婆是其最後的親人

節目已經播出兩集，共有11名「通靈專家」登場，部分參加者被網民指流流地似神棍，相反「北帝代言人悟能師傅」及「女巫公主慧慧」被網民大讚有料到，其中「女巫公主慧慧」，準確道出Cathy的感情問題及思浩最近有親人離世，當思浩聽到慧慧的話後雖然強裝鎮定，但身體卻明顯顫抖；及後思浩強忍淚水著慧慧離開，思浩忍不住激動謂：「我一直冇話畀人聽，喺我拍呢個節目十日前，我最親嘅親人離開咗，93歲、係我好錫嘅外婆。」之後思浩告訴工作人員就連經理人也不知道相關事宜，故當慧慧道出其狀況時，情緒一度崩潰。

思浩強忍激動訴說至愛外婆於節目錄影前10日離世

另外，聲稱是「北帝代言人」的悟能猜中藏在銀盤中的思浩隨身物是「銀色熊仔」，並強調只是代北帝發言：「佢話咗畀我聽，我要信，係唔係我唔知，我冇見到。」兩位參賽者的表現獲網民留言大讚：「睇咗咁多位，如果冇做假，肯定最勁北帝神功果位！」、「係呀！估車匙唔叻。估飾物熊仔先至勁料」、「女巫有啲料到」、「巫女好似幾堅，啲人反應好似都幾真」及「唔覺思浩會玩到咁盡，慧慧似真係有料到，今集最勁係佢」等等。

 悟能好快就睇穿咗銀色盤入面嘅係「銀色熊仔」，令三位主持大感震驚。

圖：TVB