事主嬲爆向食環署投訴。

【橙訊】當廚房衞生情況不佳，時有聽聞食物混入毛髮甚至昆蟲等，但叉燒包內藏螺絲可能是第一次見。有杏花邨街坊在區內一所連鎖食肆買外賣，竟然在叉燒包內發現一口螺絲，事主直斥「痴線架！」，立刻向食環署投訴。

事主上周四(19日)在網上街坊群組貼出照片，嚇窒一眾網友。他的外賣訂單記錄中，點了一份皮蛋瘦肉粥餐，配有叉燒包和炒麵。叉燒包內竟然有一顆大螺絲，他表示：「見個包底有啲奇怪，跟著慢慢撩開睇吓，真係嚇死人呀！」幸宜他沒有把螺絲吃下肚，或咬崩牙。

真係好大粒螺絲！

網民十分訝異這麼大的螺絲，沒可能在食物處理過程中沒被發現。有人指出自己曾經做過包點，猜測事故原由：「咁大粒咁重嘅螺絲，一定唔可能係包餡中包入，可能有兩個原因：一，有員工靠害；二，食客做假。」亦有人懷疑叉燒包不經人手處理，是全自動化的機器出現故障。

事主已即時向食環署反映事件，稱：「我無食到落肚，可不報食環，成盒掉咗就算！但顧及公眾安全，點知佢仲有冇第二粒、第三粒藏在麵包裡，俾小朋友或老人家食咗點算先？我最希望食環能嚴肅跟進這件事。」他指當局已派人來收走食物化驗，並表示會出向餐廳發出警告信，其他就要等化驗報告出爐再決定。

街坊都嚇親。

圖：杏花邨的人和事