【橙訊】男子組合ERROR成員之一吳保錡於上月18日首次單飛推出新歌《猥瑣》，日前就在社交平台上載了多張MV造型照。不過照片一出，網民留意的竟然不是造型的設計或保錡靚仔外貌，而是發現他某張照片看上去像著名台灣藝人汪東城！

保錡新歌《猥瑣》MV照

保錡連續兩天貼出新歌《猥瑣》MV照，坐在跑車上擺型格pose。有貼文以扮駕駛的照片作大圖，並寫道：「下個小目標，考車牌，細個揸頭D，揸到好似揸船咁，如果我要考車，究竟要考幾多次先pass」。

汪東城（左）、吳保錡（右）

古怪的地方就出於這張扮駕駛的照片，在左右不均的燈光效果之下，只看到保錡的右邊臉，驟眼看來更似另一位藝人汪東城！難怪有網民留言：「第一眼睇以為係汪東城？」、「勁似！我心諗我幾時follow咗佢」。

其他角度沒有那麼像大東。

曾被戲稱「少年八両金」 出道後再被網民懷疑整容

保錡自參加ViuTV節目《全民造星》以來，都因外貌和髮型而被嘲似八両金，有「少年八両金」、「99台八両金」之稱。事件令保錡不滿，直播時一度爆粗罵網民：「X你老X，知唔知八両金乜X嘢樣？」

八両金（左）、吳保錡（右）2018年參賽照片

短短4年間由八両金進化成汪東城，有網民找回保錡年少時相片與出道後的「靚樣」對比，質疑他整容：「話條友冇整容真係冇人信」、「個鼻墊高咗，下巴都有整」、「以前似鞋抽」、「依家八両金都食到女，點解要做汪東城」？

保錡戴眼鏡的造型。

不過《猥瑣》MV影片播出整個月都沒人談論撞樣問題，更大可能是MV照P圖太重手導致「變臉」，只能怪現今修圖技術太厲害吧。

圖：Poki 吳保錡＠Facebook