人稱「楊屋道AK」（圖︰橙新聞）

【橙訊】近日在荃灣新村街街市有一「靚仔豬肉佬」阿威，因為極具明星相的外表，被街坊推舉為「楊屋道AK」，更吸引大批粉絲跨區幫襯兼影相打卡。今日小編在下午2點直擊豬肉檔現場，果然是人潮洶湧，不少女客人圍繞在他身邊爭相合照，阿威亦來者不拒，主動揸機Selfie，氹得客人非常開心，粉絲甚至興奮表示：「攞舊豬肉簽個名！」

賣豬佬的阿威有超多粉絲！（圖︰橙新聞）

個個排隊影相（圖︰橙新聞）

呢位姐姐在荃灣鮮肉AK應援團分享合照，表示買了二百蚊豬肉

一頭金髮，身上刻有紋身的阿威是街市難得一見的型男，雖然他戴著口罩，但憑著他深邃的雙眼，已經迷倒萬千主婦。有網民指他貌似人氣組合MIRROR成員AK江𤒹生、男歌手MC張天賦、郭富城等，連他自己都說：好很多熟客和朋友都有話過我似沈震軒，『小豬』羅志祥。」日前更有粉絲為他創立「荃灣鮮肉AK應援團」，洗版式曬出合照，甚至乎他說：「有時行去食飯，做Gym，啲人見到我都會捉住我影相。」

阿威都好識做！（圖︰橙新聞）

大家又覺得佢似邊個？（圖︰橙新聞）

阿威非常親切！

不過對於爆紅他卻不以為然，問到有沒有打算入行做明星，他則表示：「我冇諗過，因為我好鍾意做豬肉檔呢行！」他又談到以前工作不穩定，機緣巧合下到街市求職，本著學一門手藝的心，加入了豬肉檔，一做便做了6年。除了長相靚仔，阿威的廚藝更深得一眾街坊的歡心，有網民大讚他「靚仔得嚟仲幾好人，上次買豬肉教埋我煲湯！」

圖：橙新聞、FB@荃灣鮮肉AK應援團