昨日王敏奕與老爺曾志偉，現身電視城為新劇《婚後事》開鏡拜神及開腔回應婚變傳聞。

【橙訊】曾志偉新抱王敏奕（Venus）因在社交網刪走與老公曾國祥的合照及婚照，而傳出婚變。有人推測曾國祥近年經常出埠拍戲，再加上疫情原因聚少離多，令二人感情生變。昨日（26/4）王敏奕現身電視城為新劇《婚後事》開鏡拜神，老爺曾志偉更陪同在則，回應婚變傳聞。

早前王敏奕在社交網刪走與老公曾國祥的合照及婚照，惹來婚變傳聞。

早前Venus已否認離婚傳聞，更即刻晒番與老公的合照，曾國祥都有回應老婆，力證感情冇變。志偉說：「明知假冇留意，因為傳聞出現前一日先同佢哋一齊食飯，翌日就傳離婚，唔會進展得咁快呀？call個仔又唔覆我。心諗早兩日先同佢哋兩個食過飯，冇理由咁快離婚㗎。」被問到會唔會真係離咗婚，你唔知？志偉稱「我唔擔心，如果佢哋離婚係幸福嘅，咪有得佢哋離囉。不過有時啲嘢真係好好笑，我哋做呢行，如果樣樣嘢都緊張嘅話，就唔適合做呢行。」

二人曾大晒「紋身戒指」

王敏奕解釋在社交網刪走與老公曾國祥的合照原因，是因為重組社交平台而惹誤會，她稱「其實婚變係假，件事都得啖笑。而手上紋身係因為拍嘢會遮。而IG相係公司PR決定，要我整理一下。」被問到是否為劇集谷宣傳，Venus稱：「冇呀，絕對冇宣傳成份喺裡面，同埋刪相個件事喺三個月前已經做咗。不過裡面有啲珍寶嘅嘢係冇刪走到嘅。」

夫妻親蜜合照仍在王敏奕社交網內看到。

圖：Iwongmanyik、lajah@IG