【橙訊】日前《試當真》直播期間，有眼利網民發現游學修與「世一女神」Jessica(陳以臻)交換飯盒和口水，互動甜蜜，傳二人撻著！繼KAYAN9896和LOCKER(林家熙)公開認愛後，一眾《試當真》粉絲驚喜道：「恭喜又一pair！」

人氣YouTubey頻道《試當真》每星期都會進行直播，眾成員與觀眾在深夜聊天，很多時候都會一邊食宵夜一邊開Live。最後直播期間，游學修與Jessica並肩而坐，不時輕輕細語，眼神冧爆，更把自己食了一半的飯盒與對方交換食，真正「交換口水」！

有網友把片段截取po上群組，隨即引來大批粉絲讚好和留言，包括「朋友交換口水尾都好正常姐，不過佢地都幾襯，喺埋一齊都唔錯吖！」、「閃到！」、「明啦！」、「有時都唔知佢地真傻定扮，開live做呢啲小動作預咗一定被人留底，仲扮咩低調。」等等。

還有另一幕sweet爆場景，是當游學修喝檸檬茶時，Jessica用手踭輕輕碰他，阿修立刻把手中飲緊的檸茶遞給她，「飲同一杯嘢」之餘亦認真有默契！據知Jessica早前與拍拖六年的前度男友、劍擊運動員任俊霖結束關係，不知是否已經暗暗撻著老闆游學修呢？

開直播兩人坐埋一齊。

游學修曾在2015年與《哪一天我們會飛》的演員蘇麗珊公開戀情，一年後宣布分手；2019年與曾樂彤傳出緋聞，後來暗示已分開。

圖：試當真@FB、認真毛群組@FB