張敬軒愛犬「妹妹」昨晚離世

【橙訊】張敬軒忙於宣傳演唱會Blu-ray碟及綵排跨年演唱會，而每次收工後軒仔都急急腳趕回家，照顧患病的哥基愛犬「妹妹」。而今日（1/12）凌晨，軒仔在社交平台發長文透露愛犬「妹妹」離世，更大讚愛犬由細到大都好勇敢，表示妹妹終於畢業了。

張敬軒愛犬妹妹已15歲幾，已是老婆婆，但愛犬去年確診患上漸凍症，故軒仔每次收工都會趕回家照顧妹妹。軒仔今日（1/12）凌晨在社交平台發長文透露妹妹已離世：「今日傍晚七點，妹妹畢業了，佢見均曬所有屋企人，一切都好平靜。十五歲幾，對於哥基嚟講，已經好叻好叻了。佢由細到大都好勇敢，好殘雞，好拽。可能因為佢咁嘅性格，先至一次又一次咁樣喺鬼門關沖返出嚟。」

張敬軒的愛犬曾一度回復心跳及呼吸

張敬軒又留言多謝照顧及診治愛犬妹妹的醫生及護士，還有好友梁祖堯、湯駿業和邵美君的幫助：「我亦都代表妹多謝各位喺網上面幫妹妹打氣嘅哥哥姐姐，多謝大家嘅愛！」而一眾圈中好友包括王菀之、鄭融、謝安琪、傅珮嘉等都留言幫軒仔打氣及送上祝福。

圖：hinscheung@instagram