軒仔化身「一日限定地產仔」

【橙訊】張敬軒全新網上綜藝節目《軒公敲碗》第二集請來有「富貴KOL」之稱的雪姨，一齊去睇樓，軒仔化身「一日限定地產仔」，更親自分析埋風水、室內設計及裝修！連雪姨都大讚：「好surprise！」

分析埋風水、室內設計及裝修

今集軒仔的任務要向雪姨推介三個分別位於西貢約四千呎的獨立屋、西半山一千三百多呎的高層單位及南區約七百呎的中層單位的樓盤。介紹樓盤時，軒仔更揭露雪姨原來喜歡裸泳及「多人沖涼」癖好，雪姨不時表示自己喜歡裸泳，聽到軒仔眼擎擎。

二人說到投資之道，軒仔叫雪姨猜一猜他過往的投資，雪姨稱：「你最出名就係開餐廳。你做過啲咩投資呀？投資過性玩具？」軒仔驚訝：「你又知嘅？唔係，我冇投資到，講明先，不過我阿媽話要做，你有冇見過一個阿媽帶着一個18、19歲嘅仔去行性用品交易市場？入到去一支支，一嚿嚿咁，哇，但我媽絲毫唔尷尬。」

軒仔驚訝

雪姨更叫軒仔一定要聽媽媽的說話，「做性玩具，真係唔好嘥咗嗰個天份。」軒仔無奈問：「我個天份係邊呢？你又有冇見過我用。」雪姨馬上「獻身」，「我可以輔助你嘅。」軒仔呆着的同時又抵死地說：「喺業務上！你講清楚啲，嘩！我個心真係離一離呀。」十分搞笑。

圖：相關機構提供